ⵜⵓⵔⴰ
ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⵍⴱⴷⵓ ⵏ ⵜⵡⵓⵔⵉⵡⵉⵏ ⵏ ⵓⵙⵏⵜⵉ ⵏ ⵓⵙⵎⵙⴰⵙⴰ ⵏ ⵍⴽⵓⵔⵏⵉⵛ ⵏ ⵜⴰⵎⴰ ⵏ ⵜⵎⵣⴳⵉⴷⴰ ⵏ ⵍⵃⴰⵙⴰⵏ ⵡⵉⵙⵙ ⵙⵉⵏ ⴳ ⴹⴹⴰⵕⵍⴱⵉⴹⴰ
19 December 2016
ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⵍⴱⴷⵓ ⵏ ⵜⵡⵓⵔⵉⵡⵉⵏ ⵏ ⵓⵙⵏⵜⵉ ⵏ ⵓⵙⵎⵙⴰⵙⴰ ⵏ ⵍⴽⵓⵔⵏⵉⵛ ⵏ ⵜⴰⵎⴰ ⵏ ⵜⵎⵣⴳⵉⴷⴰ ⵏ ⵍⵃⴰⵙⴰⵏ ⵡⵉⵙⵙ ⵙⵉⵏ ⴳ ⴹⴹⴰⵕⵍⴱⵉⴹⴰ
ⴹⴹⴰⵕⵍⴱⵉⴹⴰ - /ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴷⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⴷ ⵉⵏⵚⵕ ⵕⴱⴱⵉ ⴰⵙⵙ ⵏ ⵓⴽⵕⴰⵙ ⵍⴱⴷⵓ ⵏ ⵜⵡⵓⵔⵉⵡⵉⵏ ⵏ ⵓⵙⵏⵜⵉ ⵏ ⵓⵙⵎⵙⴰⵙⴰ ⵏ ⵍⴽⵓⵔⵏⵉⵛ ⵏ ⵜⴰⵎⴰ ⵏ ⵜⵎⵣⴳⵉⴷⴰ ⵏ ⵍⵃⴰⵙⴰⵏ ⵡⵉⵙⵙ ⵙⵉⵏ ⴳ ⴹⴹⴰⵕⵍⴱⵉⴹⴰ. ⴰⵙⵏⵜⵉ ⴰⴷ ⴰⵙⵜⵔⴰⵜⵉⵊⵉ ⵔⴰⴷ ⵉⵙⴱⴷⵍ ⵓⴷⵎ ⵏ ⵓⴳⵣⵣⵓⵎ ⵏ ⵜⵎⴷⵉⵏⵜ ⵏ ⴹⴹⴰⵕⵍⴱⵉⴹⴰ ⵍⵍⵉ ⵉⴽⵛⵎⵏ ⴳ ⵉⴳⵔ ⵏ ⵢⴰⵏ ⵓⵖⴰⵡⴰⵙ ⴰⵅⴰⵜⴰⵔ ⵏ ⵜⴳⵎⵉ ⴳ ⵜⵎⴷⵉⵏⵜ ⴰⴷ. ⴰⵙⵏⵜⵉ ⵢⴰⴷ ⴰⵅⴰⵜⴰⵔ ⴰⵔ ⵉⵎⵎⴰⵍ ⴰⵏⴼⴰ ⵍⵍⵉ ⵢⴰⴽⴽⴰ ⴱⴰⴱ ⵏ ⵡⴰⴷⵓⵓⵔ ⵉ ⵜⴳⵎⵉ ⵜⴰⵏⴰⵎⵓⵏⵜ ⵜⴰⴷⵎⴷⴰⵏⵜ ⵏ ⵜⵎⴷⵉⵏⵜ ⵏ ⴹⴹⴰⵕⵍⴱⵉⴹⴰ ⴷ ⵓⵙⴼⵓⵍⴽⵉ ⵏ ⵜⵓⴷⵔⵜ ⵏ ⵉⵎⵣⴷⴰⵖⵏ ⵏⵏⵙ. ⴰⵙⵏⵜⵉ ⵢⴰⴷ ⴰⵅⴰⵜⴰⵔ ⵉⴽⵛⵎ ⴳ ⵉⴳⵔ ⵏ ⵜⵎⵢⴰⵇⵇⴰⵏⵜ ⵍⵍⵉ ⵉⵜⵜⵓⵙⴳⵎⴰⴹⵏ ⴳ 26 ⵛⵓⵜⴰⵏⴱⵉⵔ 2014 ⵉⵥⵍⵉⵏ ⵙ ⵓⴷⵖⴰⵔ ⵏ ⵉⵍⵍ ⵏ ⴹⴹⴰⵕⵍⴱⵉⴷⴰ ⵍⵍⵉ ⵔⴰⴷ ⵉⵣⴷⵉ ⴷ ⵍⴽⵓⵔⵏⵉⵛ ⵏ ⴷⴰⵔⴱⵓⵄⵣⵣⴰ ⴷ ⵄⵉⵏ ⵙⴱⴰⵄ ⴷ ⵄⵉⵏ ⴷⴷⵢⴰⴱ ⴷ ⵎⵓⵃⵎⵎⴰⴷⵉⵢⴰ ⵉⵜⵜⵓⴼⴽⴰⵙ 700 ⵏ ⵎⵍⵢⵓⵏ ⵏ ⴷⴷⵔⵀⵎ. ⵉⵜⵜⵓⴼⴽⴰ ⵉ ⵢⵓⵙⵏⵜⵉ ⵢⴰⴷ 200 ⵎⵍⵢⵓⵏ ⵏ ⴷⴷⵔⵀⵎ ⴱⵍⴰ ⵏ ⵍⴱⴰⵔⴽⵉⵏⴳ ⵏ ⴷⴷⵓ ⵡⴽⴰⵍ ⵍⵍⵉ ⵉⵥⴹⴰⵕ ⴰⴷ ⵢⴰⵙⵉ 1000 ⵏ ⵓⴷⵖⴰⵔ.ⵉⵍⵍⴰ ⴳⵔ ⵜⵎⵣⴳⵉⴷⴰ ⵃⴰⵙⴰⵏ ⵡⵉⵙⵙ ⵙⵉⵏ ⴷ ⵍⵄⵏⵇ. ⵜⵉⴳⵣⵉ ⵏⵏⵙ ⵜⵍⴽⵎ 1,5 ⵏ ⴽⵉⵍⵓⵎⵉⵜⵔ ⵉⴳⴰ ⵜⴰⵢⴰⴼⵓⵜ ⵏ ⵜⵎⴷⵔⴰⵡⵜ ⴳⵔ ⵎⴰⵡⴰⵙⵜ ⵏ ⵓⴳⵏⵙ ⴷ ⵜⵙⴳⴰ ⵏ ⴹⴹⴰⵔⵍⴱⵉⴹⴰ ⴷ ⵜⴰⴳⵔⴰⵡⵜ ⵏ ⴹⴹⴰⵔⵍⴱⵉⴹⴰ ⴷ ⵜⵎⵔⵙⵍⵜ ⵏ ⵓⵙⵎⵙⴰⵙⴰ ⵏ ⴹⴹⴰⵕⵍⴱⵉⴹⴰ.